VAGILAKS

SAVOL – JAVOBLAR

VAGILAks NIMA UCHUN ishlab chiqilgan?

Vaginal infeksiyalar eng keng tarqalgan ginekologik kasalliklardan biridir. JSST ma’lumotlariga ko’ra, ayollarning 60% dan ko’prog’i hayotida kamida bir marta vaginal disbioz (disbakterioz) deb ataluvchi vaginal mikrofloraning buzilishlariga duch kelgan. Vagilaks qin ichidagi foydali laktobakteriyalar sonini ko’paytirish orqali vaginal mikroflorani tiklash uchun mo’ljallangan.

VAGILAKsNI YARATIliSH TARIXI QANDAY?

80-yillarda ayol jinsiy a’zolarining muammolari va kasalliklarini o’rgangan ikki kanadalik urolog — Gregor Reid va Andrew Bruce sog’lom ayollarning qin mikroflorasidan laktobakteriyalarning 2 ta noyob shtammini ajratib olishdi: GR-1 va RC-14.

Keyingi 10 yil ushbu shtammlarning samaradorligi va xavfsizligini batafsil o’rganishga, ularni vaginal mikrofloraning boshqa shtammlari bilan taqqoslashga sarflandi. 90-yillarda, olimlarning klinik tadqiqotlari laktobakteriyalarni vaginal qo’llash usuliga yo’naltirildi va ularning tanosil tizimi infeksiyalarini bartaraf etishdagi yuqori samaradorligini isbotladilar.

2001- yildan boshlab klinik tadqiqotlar probiotikni og’iz orqali qabul qilish usuliga qaratildi va vaginal mikroflorani shu tarzda tiklash imkoniyati isbotlandi, bu esa PROBIOTIKNI biologik faol qo’shimcha toifasida chiqarishga imkon berdi.

2004- yilda Chr.Hansen kompaniyasi, ushbu yangilikni patentladi va probiotikni savdoga chiqara boshladi. Mahsulotning ommaviy ishlab chiqarilishi dunyoning turli mamlakatlarida – Daniya, Fransiya, Germaniya, Rossiya va boshqa mamlakatlarda amalga oshirildi.

2008- yilda FDA (Food & Drugs Administration — oziq-ovqat va dori-darmonlar sifatini nazorat qilish boshqarmasi) AQShda probiotikni sotishga ruxsat beradi. Bugungi kunda tarkibida GR-1 va RC-14 shtammlari bo’lgan o’xshash turdagi mahsulolar dunyoning 50 dan ortiq mamlakatlarida sotilmoqda va o’z segmentlarida yetakchi savdo mavqeini egallab turibdi. Vagilaks ishlab chiqarilishi boshlanishi bilan O’zbekiston ayollar salomatligini saqlash uchun maxsus Probiotik mavjud bo’lgan 36- mamlakatga aylandi.

Shuni ta’kidlash kerakki, ushbu probiotikni turli mamlakatlarda ishlab chiqarish va sotish Chr. Hansen kompaniyasi litsenziyasi asosida amalga oshiriladi. Masalan, G’arbiy Yevropada sotish huquqlari Merck (Bion Flore Intime) kompaniyasiga, AQShda – Jarrow (Fem-Dophilus), Rossiya va MDH mamlakatlarida esa (O’zbekistondan tashqari) JGL (Vagilac/Lactogyn) kompaniyalariga tegishli. O’zbekistonda esa Pharmaxx International kompaniyasi ushbu mahsulotni ishlab chiqarish va sotish litsenziyasiga ega.

VAGILAks MAVJUD BOSHQA PROBIOTIKLARDAN NIMASI BILAN farq qiladi?

Vagilaksning boshqa probiotiklardan farq qiluvchi xususiyatlari:

• Laktobakteriyalarning eng yuqori o’ziga xosligi (vaginal shtammlar, ichak shtammlari emas).
  • Qulay preoral qabul qilish usuli.
  • Klinik jihatdan tasdiqlangan yuqori samaradorlik.
  • Nojo’ya ta`sirlarning yo’qligi.
  • Qo’llash xavfsizligi, shu jumladan homilador ayollarda.

VAGINAL MIKROFLORANING ahamiyati QANDAY?

Vaginal mikroflora – ayollar salomatligi himoyasining noyob tizimidir. Bu mikroblarga qarshi tabiiy to’siq bo’lib, mahalliy immunitetni oshiradi. Vaginal ekotizim me’yoriy faoliyatida biologik faol moddalar (bakteriotsinlar, vodorod peroksid, biosurfaktantlar va boshqalar) hamda sut va boshqa kislotalar ishlab chiqaruvchi laktobakteriyalar (bakteriyalarning umumiy sonining 95-98%) ustunlik qilib, ular vaginal muhitni kislotali muhitga o’zgartiradi va shu bilan fiziologik antibakterial ta’sirni ta’minlaydi. Vaginal mikroflora muvozanati buzilishi vaginal disbiozga (disbakterioz) olib keladi.

VAGINAL DISBIOZ QANDAY NAMOYON BO’LADI VA NIMA UCHUN XAVFLI?

Vaginal disbioz hayz ko’rish, hovuzda suzish, stress va boshqalardan keyin hech qanday sababsiz paydo bo’ladigan qichishish, achishish, ajralmalar kabi belgilar bilan namoyon bo’ladi. Vaginal mikroflora muvozanatining buzilishi quyidagilarga olib kelishi mumkin:

• vaginal infeksiyalarning rivojlanishi
• davolanayotgan infeksiyalarning kuchayishi (qaytalanishi)

VAGINAL INFEKSIYALAR HAQIDA QISQACHA ma’lumot BERA OLASIZMI?

Vaginal infeksiyalarning 2 asosiy turi mavjud:

1. Vaginal floraning buzilishi
2. Jinsiy yo’l bilan yuqadigan infeksiyalar

Vaginal floraning buzilishi quyidagilarni o’z ichiga oladi:

* Bakterial vaginoz (BV)

* Vulvovaginal kandidoz (zamburug’)

* Aerob vaginit (oddiy flora orqali paydo bo’lgan)

* Aralash vaginit

Ushbu infeksiyalar odatda qinda juda oz miqdorda mavjud bo’lgan mikroorganizmlar tomonidan keltirib chiqariladi. Ularning o’sishi asosan laktobakteriyalar (maxsus himoya tizimi) tomonidan tartibga solinadi va bartaraf etiladi. Turli omillar ta’sirida tabiiy vaginal himoya buziladi va mikroorganizmlar (stafilokokklar, streptokokklar, ichak tayoqchalari) juda tez ko’paya boshlaydi, bu esa qichishish, achishish, ajralmalar va hokazo kabi noxush alomatlar paydo bo’lishiga olib keladi.

Bakterial vaginoz (BV) eng keng tarqalgan vaginal infeksiyalardan biridir. BV – bu vaginal floraning buzilishi (disbioz) hisoblanib, bunda laktobakteriyalar soni keskin kamayadi va ularning o’rnini anaerob mikroorganizmlar egallaydi (Gardnerella, peptokokklar, peptostreptokokklar va boshqalar). Bakterial vaginozda ajralmalar oq, sarg’ish, kulrang bo’lib, ularning hajmi tuli xil bo’lishi mumkin. Bakterial vaginozning asosiy namoyon bo’lishi ajralmalarning o’ziga xos «baliq» hidliligidir. Qichishish va achishish BV uchun xos xususiyat emas.

BVni davolash quyidagilarni o’z ichiga oladi:

• kasallik keltirib chiquvchi mikroorganizmlarni yo’q qilish.
• qinni laktobakteriyalar bilan to’ldirish va tabiiy himoyani to’liq tiklash uchun ularning ko’payishini ta’minlash.

Vulvo-vaginal kandidoz (tibbiy nomi).

Bu Candida zamburug’lari keltirib chiqaradigan kasallik. Ushbu zamburug’lar me’yoriy holatda qinda mavjud bo’ladi. Kasallik belgilari Candida intensiv ravishda ko’payishni boshlaganda paydo bo’ladi. Kandidoz kamida bir marta har 4 ayoldan 3 tasida uchraydi, ayollarning taxminan yarmida ushbu kasallik davolanishdan keyin yana qaytalanadi.

Kandidozga xos bo’lgan alomatlar: ko’plab oq «tvorog» ko’rinishdagi ajralmalar, qichishish va achishish. Kandidoz jinsiy yo’l bilan yuqadigan kasalliklar turiga tegishli emas.

Kandidozni davolash uchun turli xil zamburug’ga qarshi preparatlardan foydalaniladi. Kandidoz vaginal disbioz ekanligini hisobga olgan holda, tabiiy vaginal himoyani tiklash uchun preparatlar buyuriladi (laktobakteriyalar sonini tiklash va ularning hayotiy faoliyatini ta’minlash).

Ko’pincha, kandidozni davolash laktoflorani tiklamasdan, faqat kandidozga qarshi preparatlar bilan cheklanadi. Bunday holatda, kasallikning yana qaytalanish ehtimoli juda yuqori hisoblanadi, chunki bir muncha vaqt o’tgach, kandidoz yana intensiv ravishda ko’payishi mumkin.

VAGINAL INFEKSIYALARNING SABABLARI NIMA?

Vaginal infeksiyalarning paydo bo’lishining asosiy sababi va qo’zg’atuvchisi vaginal mikroflora muvozanatining buzilishi hisoblanadi. Ushbu muvozanatga salbiy ta’sir ko’rsatadigan ko’plab omillar mavjud.

Avvalo, bu tashqi omillar, masalan:

• Turli xil ham mahalliy (vaginal tabletkalar va shamlar), ham tizimli (bular og’iz orqali qabul qilingan yoki in’ektsiya yo’li bilan berilgan) antibiotiklar, antiseptiklar, metronidazol guruhi preparatlarini qabul qilish.
  • Immunitetni sustlovchi preparatlar bilan davolash (kortikosteroidlar va boshqalar)
  • Haddan tashqari ko’p yoki noto’g’ri shaxsiy gigiena amallari (qinni tez-tez yuvib turish va dush qabul qilish)
  • Kontratseptivlarni qabul qilish (tabletkalar, qin shamlari, kremlar, diafragmalar va hokazo)
  • Xlorli suvda uzoq vaqt qolish (suzish havzalari)
  • Asabiylashish, tashvishli holatlar, zo’riqish
  • Uzoq vaqt mobaynida sovuqqotish
  • Jarrohlik aralashuvlari

Ichki kasalliklar va boshqa holatlarda immunitetning pasayishi

• Homiladorlik va emizish davri
  • Hayz ko’rish
  • Umumiy kasalliklar (qandli diabet)
  • Ayol jinsiy gormonlari ishlab chiqarilishining pasayishi (menopauza)

VAGINAL INFEKSIYALARNING MUMKIN BO’LGAN OQIBATLARI QANDAY?

Vaginal infeksiyalar ko’pincha ayollar tomonidan kam baholanadigan juda jiddiy oqibatlarga olib keladi.

Vaginal infeksiyalar qo’zg’atuvchisi bo’lgan mikroorganizmlar qindan ayol jinsiy tizimining yuqori qismlariga yetib borish qobiliyatiga ega. Natijada yallig’lanish bachadon, bachadon naychalari va tuxumdonlarga tarqalishi va quyidagi jiddiy asoratlarni keltirib chiqarishi mumkin:

• Vaginit va kolpit (qinning yallig’lanishi)
  • Servitsit (bachadon bo’yni yallig’lanishi)
  • Sistit (siydik pufagining yallig’lanishi)
  • Uretrit (uretraning yallig’lanishi)
  • Tos sohasidagi surunkali og’riqlar
  • Bepushtlik
  • Bachadon o’smalarining shakllanishi

Homiladorlik paytida vaginal infeksiyalar ayniqsa xavfli hisoblanib, quyidagilarga sabab bo’lishi mumkin:

• Erta tug’ruq
  • O’z-o’zidan bola tushishi
  • Xomila infeksiyasi
  • Xorioamnionit (homila membranalarning yallig’lanishi)
  • Endometrit (bachadon shilliq qavatining yallig’lanishi)

NIMA UCHUN DAVOLANGANDAN KEYIN VAGINAL INFEKSIYALAR YANA QAYTAlANADI?

Vaginal infeksiyalar kuchayishining sababi, tabiiy vaginal himoyaning buzilishidadir. Har qanday yallig’lanish jarayoni (bakterial vaginoz, kandidoz, vaginit) natijasida, shuningdek dorilar (antibiotiklar, har qanday vaginal shamchalar yoki tabletkalar, kandidozni davolovchi dorilar) ta’siri ostida laktobakteriyalar nobud bo’ladi. Vaginal himoya tizimi buziladi, laktobakteriyalar endi zamburug’lar, stafilokokklar va vaginal infeksiyalarni keltirib chiqaruvchi boshqa mikroorganizmlarning ko’payishini nazorat qila olmaydi.

Xech qanday xavf tug’diruvchi omillar qolmagach, kasallik keltirib chiqaruvchi mikroorganizmlar juda tez ko’payishni boshlaydi. 10-30 kundan keyin ularning soni juda ko’payib, yallig’lanish paydo bo’ladi. Natijada, qiyinchilik bilan davolangan ajralmalar, achishish, qichishish, noqulaylik holatlari yana qaytalanadi.

Davolash qayta buyuriladi, vaqtincha yaxshilanish fazasi kuzatiladi va vaqt o’tib kasallik (qaytalanish) yana kuchayishni boshlaydi. Tabiiy vaginal himoya tiklanmaguncha, qaytalanish vaqti-vaqti bilan, yiliga bir, ikki yoki bir necha marta sodir bo’ladi.

KASALLIK QAYTALANISHINI QANDAY OLDINI OLISH MUMKIN?

Vaginal infeksiyalar qaytalanmasligi uchun shikastlangan vaginal himoyani tiklash zarur.

Shuning uchun har qanday vaginal infeksiyani davolashning to’liq kursi, u kandidoz yoki boshqa kasallik bo’lsin, ikki bosqichdan iborat bo’lishi kerak:

1. barcha kasallik keltirib chiqaruvchi mikroorganizmlarni bartaraf etish
2. tabiiy vaginal mikroflorani tiklash

Agar davolanish faqat 1- bosqich bilan cheklangan bo’lsa, davolanishdan 10-30 kun o’tgach, alomatlar yana qaytalanishi uchun barcha sharoitlar mavjud bo’ladi. Shuning uchun qinni laktobakteriyalar bilan to’ldirish juda muhim hisoblanadi. Ushbu usul davolash tugagandan so’ng darhol yoki har qanday infeksiyaga qarshi davolanish (har qanday vaginal shamlar yoki tabletkalar, og’iz orqali yoki in’ektsiya yo’li bilan qabul qilingan antibiotiklar) bilan bir vaqtning o’zida amalga oshirilishi kerak.

VAGILAks LAKTOBAKTERIYALARI QINGA QANDAY yetib boradi?

Vagilaks odatdagi tabletkalar singari og’iz orqali qabul qilinadi. Yutilgan kapsula oshqozonga kiradi, u yerda uning qobig’i eriydi, ammo laktobakteriyalar maxsus gel bilan himoyalangan bo’lib, oshqozon ta’siriga uchramaydi. Ingichka ichakda laktobakteriyalar geldan ajralib, to’g’ri ichakka kiradi. To’gri ichak va qin sohasining anatomik yaqinligi tufayli bakteriyalar qinga kirib, uni tabiiy ravishda egallashga kirishadi. Kanadalik olimlar Bruce va Reid oshqozon-ichak trakti orqali o’tishga va qinga joylashishga qodir bo’lgan laktobakteriyalarni kashf etgani uchun nufuzli Mechnikov xalqaro mukofotiga sazovor bo’lishdi.

VAGILAks KANDIDOZDA YORDAM BERADIMI?

Vagilaks kandidozni davolashdan keyin vaginal mikroflorani tiklashga va kandidozni oldini olishga yordam beradi. Kandidozni ginekolog tomonidan tayinlangan zamburug’ga qarshi vositalar bilan davolash lozim. Avval zamburug’ga qarshi preparatni qabul qilishni tugatish va kandidozning namoyon bo’lishi bartaraf etilishini kutish juda muhim va shundan keyingina Vagilaks yordamida mikroflorani tiklashni boshlash zarur. Kandidoz – bu Candida zamburug’lari keltirib chiqaradigan infeksiya bo’lib, ular foydali laktobakteriyalarni siqib chiqaradi va normal vaginal kislota muvozanatini o’zgartiradi. Vaginal mikrofloraning buzilishi kandidoz va boshqa vaginal infeksiyalarning eng keng tarqalgan sabablaridan biridir. Zamburug’ga qarshi vositalar kasallik alomatlaridan xalos bo’lishga imkon beradi, ammo shu bilan birga kandidoz sababli buzilgan vaginal mikroflorani tiklamaydi. Vagilaks tarkibida vaginal mikroflorani tiklash va kandidozning qaytalanishini oldini olishga yordam beruvchi tirik laktobakteriyalar mavjud.

HOMILADORLIK davrida VAGILAKsNI QABUL QILISH MUMKINMI VA UNING NOJO’YA TA’SIRI yo’qmi?

Ko’plab klinik tadqiqotlar Vagilaks tarkibidagi laktobakteriyalarning nojo’ya ta’sirlari yo’qligini isbotladi. Shuning uchun Vagilaksni homilador ayollarga vaginal mikroflorani tiklashda qabul qilish tavsiya etiladi.

VAGILAks QIN SHAMCHALARIDAN (MAHALLIY PROBIOTIKLAR) QANDAY FARQ QILADI?

Vagilaks – bu og’iz orqali qabul qilinadigan probiotik, ya’ni Vagilaks kapsulalari oddiy tabletkalar kabi ichiladi. Bundan tashqari, Vagilaks tarkibida sog’lom ayollarning urogenital traktidan ajratilgan tirik laktobakteriyalar mavjud, mahalliy probiotiklar esa (qin shamlari) ichak florasidan ajratilgan bakteriyalar asosida tayyorlanadi. Ichakdan ajratilgan bakteriyalar faol ravishda ko’paya olmasligi, qinda koloniyalar hosil qilmasligi va kasallik keltirib chiqaruvchi mikroblarni siqib chiqara olmasligi sababli ayol organizmini genital infeksiyalarning qayta rivojlanishidan himoya qila olmaydi. Vagilaks laktobakteriyalari qin shilliq qavatida yaxshi o’rnashishga, qin bo’shlig’ida faol ko’payishga va o’rnashib olishga qodir. Ular kasallik patogen mikroblarni nobud qiluvchi bir qator biologik faol moddalarni (bakteriotsinlar, lizotsim, vodorod peroksid) ishlab chiqaradi.

VAGILAks hamda VAGINORM-C o’rtasida QANDAY FARQ mavjud?

Farqi shundaki, Vagilaks tarkibida sog’lom ayollarning urogenital traktidan ajratilgan tirik laktobakteriyalar mavjud, Vaginorm C tarkibida esa faqat askorbin kislotasi mavjud bo’lib, u vaginal kislota muvozanatini vaqtincha me’yorlashtiradi. Vaginorm C qin orqali yuboriladi, Vagilaks esa oddiy tabletkalar kabi og’iz orqali qabul qilinadi.