Русский
Vitamixx Classic
49 000 UZS
Kompleks kattalar va 7 yoshdan yuqori bolalar uchun vitaminlar, yod, rux va selenga bo’lgan fiziologik ehtiyojni qondirish uchun ishlab chiqilgan.
tarkibi
QO’LLASH UCHUN KO’RSATMALAR
- kattalar va 7 yoshdan oshgan bolalarda gipo- va avitaminoz profilaktikasi, yod va rux mikroelementlari tanqisligida;
- muvozanatlashtirilmagan va to’laqonli bo’lmagan ovqatlanishda, parxezlarda;
- yuqori darajadagi jismoniy va ruhiy zo’riqishlar, stress holatlarida;
- vitaminlarga bo’lgan ehtiyojning ortishi bilan kuzatilgan holatlarda (o’sish davri, kasallik, tuzalish davri), tamaki mahsulotlarini chekish, spirtli ichimliklarni suiiste’mol qilish, ovqat hazm qilish jarayoni buzilishlari (oshqozon-ichak kasalliklari, ich ketish), ekologiyasi buzilgan hududlarda yashash va boshqa holatlarda.
qO’LLASH MUMKIN BO’LMAGAN HOLATLAR
BFQ komponentlariga yuqori sezuvchanlik. 7 yoshgacha bo’lgan bolalar.
qo’llash usuli va dozalari
Ichga qabul qilish uchun, suv bilan, ovqat paytida yoki undan keyin kuniga 1 kapsuladan 1 marta.
maxsus ko’rsatmalar
Qabul qilish dozasini oshirib yubormaslik maqsadida boshqa polivitamin komplekslari va tarkibida yod bo’lgan dori vositalari bilan bir vaqtda qabul qilish tavsiya etilmaydi.
chiqarlish shakli
Kapsulalar.
saqlash sharoiti
Bolalar qo’li yetmaydigan joyda 25 °С gacha bo’lgan haroratda.
Yaroqlilik muddati
3 yil.
O’zR SSV tomonidan qayd etish raqami: 001180/1
AFZALLIKLARI
Sinchiklab tanlangan Vitamiks Klassik tarkibi vitaminlar va eng muhim mikroelementlarning bir-biriga salbiy ta’sirini istisno qilgan holda ularni qabul qilishdan maksimal foyda olish maqsadida ishlab chiqilgan. Bizning taomnomamiz o’ziga xos xususiyatlarini hisobga olgan holda eng muhim vitaminlar va minerallar tanqisligini to’ldiradi.
- Tarkibida 7 ta vitamin, yod, rux va selen mavjud
- Shvetsariya moddalaridan ishlab chiqariladi.
- Tarkibida yodning mukammal dozasi
- Tarkibida shakar, laktoza, gluten, rang beruvchi moddalar va aromatizatorlar mavjud emas.
- Kuniga 1 dona kapsula vitaminlar va mikroelementlarga bo’lgan kunlik ehtiyojni qondiradi.
BILASIZMI:
Kasalliklarning oldini olish ularni davolash xarajatlaridan doim arzonroq. Shu nuqtai nazardan, vitamin – mineral komplekslarni muntazam ravishda qabul qilish sog’lig’ingizga eng yaxshi sarmoyadir!
QO’LLASH USULI
Ichga qabul qilish uchun, suv bilan, ovqat paytida yoki undan keyin kuniga 1 kapsuladan 1 mahal.
Tarkibida vitaminlar va minerallarning ortiqcha miqdori mavjud emasligi sababli uzoq muddatli profilaktik foydalanish uchun mos keladi.
SAVOL – JAVOBLAR
VITAMIks kLASSik NIMA UCHUN ISHLAB CHIQILGAN?
VITAMIKS KLASSIK sog’liqni, yaxshi kayfiyatni saqlash, shuningdek organizmni atrof-muhitning salbiy omillari ta’siridan himoya qilish uchun kerak bo’lgan eng muhim moddalar – vitaminlar va yod tanqisligini to’ldirish uchun ishlab chiqilgan. VITAMIKS KLASSIK vitaminlar va mikroelementlarning muvozanatlashtirilgan tarkibi salomatlikka kundalik g’amxo’rlik va immunitetni mustahkamlash maqsadida ishlab chiqilgan bo’lib, uning universalligi va barcha oila a’zolari tomonidan qabul qilinishi mumkinligi esa VITAMIKS KLASSIKni haqiqiy «oilaviy» vitamin kompleksiga aylantiradi.
VITAMIks kLASSIkNI QABUL QILISHDAN OLDIN U HAQIDA NIMANI BILISHIM KERAK?
VITAMIKS KLASSIK kattalar va 7 yoshdan yuqori bolalar uchun vitaminlar va minerallarning qo’shimcha manbai sifatida so’nggi ilmiy ma’lumotlarni hisobga olgan holda yetakchi tibbiyot mutaxassislarining tavsiyalari va maslahatlari asosida ishlab chiqilgan. VITAMIKS KLASSIK – bu ozuqaga qo’shimcha ko’rinishidagi vitamin-mineral kompleksi hisoblanib, vitaminlar va yodga bo’lgan fiziologik ehtiyojni qondirish uchun maxsus ishlab chiqilgan. VITAMIKS KLASSIK 7 ta vitamin va 3 ta mikroelementlardan iborat sinchiklab tanlangan va optimal tarkibga ega. Preparat tarkibida ushbu sinfdagi ko’plab preparatlarda mavjudligi yuqori samaradorlikka ega bo’lmagan ba’zi makro- va mikroelementlar mavjud emas. VITAMIKS KLASSIK boshqa multivitamin komplekslarni qabul qilishni to’liq o’rnini bosa oladi. Shuningdek, VITAMIKS KLASSIK shifokor qo’shimcha kalsiy, magniy yoki temir kabi preparatlarni qabul qilishni buyurgan hollarda ham qulaydir. Shuni ta’kidlash joizki, Vitamiks seriyasidagi barcha preparatlarda ma’lum bir nutrientlarning o’ta yuqori dozalari mavjud emas. Aksincha, biz xavfsiz, o’rtacha va ratsional miqdordagi vitamin va mikroelementlarning muvozanatlashtirilgan tarkibiga e’tibor qaratamiz. Ushbu yondashuv sog’lom ovqatlanish sohasidagi mutaxassislar tomonidan ham qo’llab-quvvatlanadi.
VITAMiks kLASSIkNI TAVSIYA ETILGAN QABUL QILISH DAVOMIYLIGI QANCHA?
Mutaxassislarning so’nggi tavsiyalariga ko’ra, vitamin komplekslarni tavsiya etilgan kunlik me’yorlarga javob bersagina yil davomida, uzilishlarsiz (yaponiyaliklar bunga misol bo’lishi mumkin) qabul qilish mumkin. VITAMIKS KLASSIK tarkibi barcha komponentlarning xavfsiz miqdorini o’z ichiga olganligi sababli doimiy qabul qilish uchun ideal darajada muvozanatlashtirilgan.
VITAMIks KLASSIKNI QACHON VA QANDAY QABUL QILISH KERAK?
VITAMIKS KLASSIK ovqat paytida yoki ovqatdan keyin suv yoki issiq bo’lmagan har qanday ichimlik bilan qabul qilish tavsiya etiladi. Preparatni oziq-ovqat bilan qabul qilish vitaminlarning yaxshiroq so’rilishiga yordam beradi.
NIMA UCHUN VITAMIks kLASSIk TARKIBIDA FAQAT 3 TA MIKROELEMENT MAVJUD?
Bizning komplekslarimiz tarkibida yod, rux va selen mavjudligi bejiz emas. Yod va rux moddalari tanqisligi mintaqamizda keng tarqalgan va ushbu moddalar eng muhim mikroelementlar hisoblanadi. Selen organizmning antioksidant himoya elementi sifatida ishtirok etadi. Bundan tashqari, ushbu mikroelementlarning mahsulot tarkibiga kiritilishi vitaminlarning o’zaro bog’liqligi va mumkin bo’lgan salbiy ta’sir o’tkazishi bilan bog’liq muammolarni keltirib chiqarmaydi, bu esa bizning komplekslarimiz samaradorligining asosiy omili hisoblanadi – axir, bu vitaminlar har qanday vitamin va mineral kompleksning asosiy tarkibiy qismlari ekanligini unutmang.
VITAMIks kLASSIkNI BOSHQA DORILAR BILAN BIRGA QABUL QILISH MUMKINMI?
Umumiy qoida sifatida VITAMIKS KLASSIKni boshqa dorilar bilan birga qo’llash mumkin, chunki preparat tarkibida o’rtacha miqdordagi vitaminlar va minerallar mavjud. Ammo, agar siz allaqachon tarkibida vitaminlar bo’lgan biron bir dori vositasini qabul qilayotgan bo’lsangiz, davolovchi shifokoringiz bilan maslahatlashish maqsadga muvofiqdir.
VITAMIKS KLASSIK BILAN QO’SHIMCHA YOD PREPARATLARINI QABUL QILISH KERAKMI?
VITAMIKS KLASSIK tarkibida allaqachon yetarli miqdordagi yod mavjud, shuning uchun qo’shimcha yod qabul qilish shart emas.
VITAMIKS KLASSIKNI QABUL QILISHDA NOJO’YA TA’SIRlar mavjudmi?
Umuman olganda, VITAMIKS KLASSIK tavsiya etilgan dozalarda qo’llanilsa, deyarli hech qanday nojo’ya ta’sirga ega emas. Ammo kamdan-kam holatlarda preparat tarkibiy qismlariga nisbatan allergik reaksiyalar yuzaga kelishi mumkin. Ba’zida, och qoringa vitamin-mineral komplekslarni qabul qilishda oshqozon sohasida noqulaylik hissi paydo bo’lishi mumkin. Riboflavin borligi sababli siydik sariq rangga bo’yalishi mumkin, bu mutlaqo zararsizdir.
VITAMIks kLASSIk QANDAY komponentlardan ishlab chiqariladi?
VITAMIKS KLASSIK dunyodagi yetakchi ishlab chiqaruvchilarning eng yaxshi komponentlaridan ishlab chiqarilgan. Masalan, vitaminlar premiksi Shvetsariyadan – vitaminlar ishlab chiqarish bo’yicha dunyodagi yetakchi – DSM Nutritional Products (Roche Vitamins) kompaniyasi tomonidan yetkazib beriladi. Yetkazib beruvchilar haqida batafsil ma’lumotni «Hamkorlar» bo’limida o’qing.
O‘xshash mahsulotlar
